Kandidati për kryetar të komunës së Vushtrrisë nga LDK, Xhafer Tahiri, ka zhvilluar sot një takim me banorët e lagjes Dardania 1, ku ishte i shoqëruar nga kandidati për asamble komunale, Ramadan Parduzi.
Tahiri e prezantoi Parduzin si një figurë të njohur në sport, profesor, selektor dhe trajner i suksesshëm në volejboll, që vjen nga një familje sportistësh. Ai tha se përvoja e tij është e domosdoshme në përfaqësimin e sportit në kuvendin komunal.
Në fjalën e tij, Tahiri kritikoi qeverisjen aktuale për mungesë investimesh në këtë fushë. “Vushtrria ka ngecur në sport. Në katër vitet e fundit nuk është ndërtuar asnjë terren i ri sportiv dhe subvencionet nuk kanë shkuar për sportin, por për militantët partiak,” u shpreh ai.
Sipas Tahirit, situata do të ndryshojë pas zgjedhjeve të 12 tetorit, ku sporti do të ketë mbështetjen e duhur dhe prioritetin që i takon në qytet.
