Forcat Ajrore Gjermane ngritën në ajër dy avionë luftarakë Eurofighter për të gjurmuar një aeroplan luftarak rus IL-20M që hyri në hapësirën ajrore neutrale mbi Detin Baltik.
“Edhe një herë, forca e paralajmërimit të hershëm, e përbërë nga dy Eurofighter , u ngarkua nga NATO për të hetuar një avion të paidentifikuar pa plan fluturimi ose kontakt radio në hapësirën ajrore ndërkombëtare”, thanë Forcat Ajrore Gjermane në një deklaratë.
Sipas njoftimit, bëhej fjalë për një avion zbulimi rus IL-20M.
Këshilli i Atlantikut të Veriut i NATO-s do të mblidhet të martën për të diskutuar shkeljen e hapësirës ajrore të Estonisë nga Rusia, thanë për Reuters dy zyrtarë të njohur me çështjen.
Tre avionë luftarakë rusë MiG-31 hynë në hapësirën ajrore të Estonisë pa leje të premten dhe qëndruan atje për gjithsej 12 minuta përpara se të detyroheshin të tërhiqeshin.
