Një burrë 49-vjeçar ka humbur jetën në qytetin e Istogut, pasi ka rënë nga një objekt banesor.
Rastin e ka konfirmuar zëdhënësi i Policisë për rajonin e Pejës, Driton Rugova.
“Sot rreth orës 10:20, Policia është njoftuar se në rrugën ‘Lidhja e Prizrenit’, në Istog, një person ka rënë nga një objekt banesor. Në vendin e ngjarjes kanë dalë njësitet relevante, gjithashtu edhe ekipi mjekësor, të cilët kanë konstatuar vdekjen e viktimës,” tha Rugova.
Ai bëri të ditur se rasti është cilësuar si “Vdekje e dyshimtë” dhe se hetimet janë duke vazhduar në koordinim me prokurorin e shtetit.
