Edona Llalloshi, e njohur prej vitesh si këngëtare e skenave festive dhe ahengjeve familjare, tani është edhe një figurë publike në skenën politike të Kosovës.
Në zgjedhjet e fundit, ajo arriti të fitojë mijëra vota, duke siguruar një vend si deputete në Kuvendin e Kosovës nga radhët e Lëvizjes Vetëvendosje.
Që nga ajo kohë, Edona ka pësuar një transformim të dukshëm në stilin e saj.
Nga fustanet glamuroze dhe të shkëlqyeshëm që e karakterizonin në paraqitjet artistike, ajo është zhvendosur drejt një stili më serioz, duke u paraqitur me kostume klasike dhe veshje që reflektojnë rolin e saj të ri politik. Ky ndryshim në pamje duket se pasqyron edhe ndryshimin në angazhimin e saj publik.
