Një ngjarje tragjike ka ndodhur mbrëmë në fshatin Manastirc të Ferizajt, ku një 62-vjeçar humbi jetën pasi një lis i prerë ra mbi të.
Burimet bëjnë me dije se bëhet fjalë për Hyzri Ramushollin rreth 62-vjeçar, i cili po punonte së bashku me vëllain dhe nipin e tij në prerjen e drunjve, kur ndodhi incidenti fatal.
Megjithëse fillimisht u dërgua për trajtim mjekësor, për shkak të lëndimeve të rënda nuk arriti të mbijetonte.
Rasti është iniciuar si “Shkaktim i rrezikut të përgjithshëm”, ndërsa hetimet po vazhdojnë.
