Një ngjarje tronditëse ka ndodhur në tregun e njohur Or Tor Kor në Bangkok, ku një person i armatosur hapi zjarr ndaj turmës, duke lënë pas vetes gjashtë të vdekur, përfshirë vetveten.
Sipas policisë tajlandeze, sulmuesi qëlloi për vdekje katër roje sigurie që punonin në treg dhe një grua, ndërsa më pas kreu vetëvrasje. Dy gra të tjera janë plagosur dhe janë dërguar me urgjencë në spital.
Pamjet e kamerave të sigurisë tregojnë skena paniku, ku njerëzit përpiqeshin të iknin mes të shtënave. Në një video tjetër të shpërndarë gjerësisht, shfaqet personi i armatosur me pistoletë në dorë, duke vrapuar nëpër një parking pranë hyrjes së tregut.
Policia është në vendngjarje dhe po heton motivin e sulmit, i cili ka tronditur opinionin publik në Tajlandë.
