Deputeti i Lëvizjes Vetëvendosje, Mefail Bajqinovci, i ka shkuar në zyrë kryeministrit në detyrë, Albin Kurti, që është edhe shef i partisë së të parit.
Bajqinovci ka shpërndarë në ‘Facebook’ dy fotografi nga Zyra e Kryeministrit, me një mbishkrim trimëror.
“Në takim me Kryeministrin. S’ka kthim mbrapa”, ka shkruar Bajqinovci.
Ky reagim vjen në kohën kur Bajqinovci, i cili kishte pretendime për Komunën e Prishtinës, u shfaq si i “hidhëruar” pas kandidimit të Hajrulla Çekut për kryetar të kësaj komune nga radhët e LVV’së.
Bajqinovci është në mesin e zyrtarëve të paktë të LVV’së që, të paktën publikisht, s’kanë shprehur urime për kandidaturën e Çekut në Prishtinë.
