Jennifer Lopez ka treguar edhe një herë pse konsiderohet një nga ikonat më të mëdha të skenës botërore.
Këngëtarja 55-vjeçare elektrizoi publikun në Cook Music Fest në Tenerife me një paraqitje të zjarrtë dhe provokuese që bëri xhiron e rrjeteve sociale.
E veshur me një trupore, Lopez performoi krah balerinëve muskulozë, duke simuluar pozicione seksuale në një koreografi të kuruar deri në detaj.
Në një nga momentet më të komentuar, këngëtarja u ngrit në supe nga një balerin, duke pozicionuar legenin e saj shumë pranë fytyrës së tij, një skenë që shkaktoi reagime të forta nga publiku, duke mos u pritur aq mire sa parashikohej.
Në një tjetër skenë, JLo u pa duke hipur mbi një balerinë, ndërsa vendoste duart midis këmbëve të dy balerinave të tjera, të veshura me pantallona të zeza dhe korse të bardha, një pamje që përforcoi imazhin e saj si një performuese e guximshme dhe pa komplekse.
Spektakli vazhdoi në Bilbao, ku këngëtarja mbajti një tjetër koncert mbresëlënës të mërkurën në mbrëmje. Ajo u shfaq fillimisht me pantallona me bel të ulët dhe bluzë të shkurtër, duke i lënë vend më pas një kostumi trupi prej lëkure, me unaza dhe zinxhirë metalikë.
