Gjenerali Rrahman Rama, kandidat për deputet nga Partia Demokratike e Kosovës me numrin 7, ka zhvilluar mbrëmë një takim me banorët e Maxhunajt, të cilët njihen për gatishmërinë dhe angazhimin e tyre të vazhdueshëm qytetar.
Gjatë këtij takimi, Rama ka vlerësuar lartë mbështetjen e shprehur nga banorët, duke theksuar se përkrahja e tyre përfaqëson një motiv shtesë për punë dhe përkushtim në shërbim të qytetarëve dhe interesit publik.
Ai u shpreh se angazhimi i tij politik synon përfaqësim dinjitoz dhe adresim të nevojave të qytetarëve në institucionet e vendit.
