Fadil Geci takon familjen Krasniqi në Grashticë, falënderon për mbështetjen ndaj LDK-së
Kandidati për deputet nga radhët e Lidhja Demokratike e Kosovës, Fadil Geci, ka njoftuar se së bashku me Vjosa Osmani kanë vizituar familjen e Osman Krasniqit në Grashticë të Gollakut, pranë Prishtinës.
Ja statusi:
“LDK 113✅ Fadil Geci 42✅ Sot, së bashku me Presidenten e Kosovës, Vjosa Osmani, vizituam familjen e Osman Krasniqit në Grashticë të Gollakut, pranë Prishtinës. Osmani, një mik i afërt me administratën e Presidentit Donald Trump, na priti me mikpritje të jashtëzakonshme dhe mbështetje të sinqertë. E falënderojmë për besimin dhe përkrahjen. Takime të tilla na japin edhe më shumë motiv për të vazhduar angazhimin tonë pranë qytetarëve. Shpi për shpi, derë për derë, dorë për dore, do të vazhdojmë pa u ndalur, me vendosmëri dhe përkushtim për Kosovën dhe të ardhmen e saj”, ka shkruar ai.
