Sot shënohen 28 vjet nga masakra e rëndë në Lybeniq, një nga krimet më të rënda të kryera gjatë luftës në Kosovë nga forcat serbe ndaj popullsisë civile shqiptare.
Më 25 maj të vitit 1998, forcat ushtarake, policore dhe paramilitare serbe hynë në fshatin Lybeniq, ku vranë dhe masakruan banorë të pafajshëm shqiptarë.
Krimet vazhduan edhe gjatë muajve prill të vitit 1999, duke lënë pas dhimbje të mëdha dhe plagë që vazhdojnë të mbeten të hapura për familjarët e viktimave.
Banorë, familjarë dhe përfaqësues institucionalë kujtojnë sot viktimat e kësaj masakre, duke kërkuar njëkohësisht drejtësi për krimet e kryera.
Kryetari i Lidhja e Historianëve të Kosovës “Ali Hadri”, dega në Deçan, Shkodran Imeraj, ka deklaruar se ende nuk është vendosur drejtësi për viktimat e Lybeniqit, ndërsa autorët e krimeve vazhdojnë të mbeten të pandëshkuar.
Masakra e Lybeniqit konsiderohet një ndër ngjarjet më tragjike të luftës në Kosovë dhe simbol i vuajtjeve të popullsisë shqiptare gjatë viteve 1998-1999.
